शहरातील पवारवाडी पोलिस ठाणे हद्दीतील तैय्याबाबाद परिसरात रविवारी रात्री सुमारास एका अल्पवयीन मुलीवर बलात्कार झाल्याचा धक्कादायक प्रकार उघडकीस आला. याप्रकरणी पोलिसांनी पीडित मुलीच्या आईच्या फिर्यादीवरून गुन्हा दाखल केला असून, आरोपीस अटक करण्यात आली आहे. सोमवारी त्यास नायायालयसमोर हजर केले असता २५ मे पर्यंत पोलिस कोठडी सुनावली आहे. गेल्याच आठवड्यात पवारवाडी पोलिस ठाणे हद्दीत एका युवतीवर सामूहिक बलात्कार झाल्याची घटना घडली होती. आठवडाभरात दोन घटना घडल्याने नागरिकांमध्ये संताप व्यक्त केला जात आहे.
शहरातील पवारवाडी पोलीस ठाणे हद्दीतील स. नं. ८७ तैय्यबाबाद येथे रविवारी रात्री साडेनऊ वाजता नऊ वर्षीय मुलगी आपल्या घरासमोर खेळत होती. ती खेळत असतानाच घरासमोरच राहणारा मसुद अयाज फारुख बफाती याने पीडित मुलीस घरात बोलावून तिच्यावर अत्याचार करण्याचा प्रयत्न केला. पीडित मुलीने घडलेला प्रसंग आईस कथन केल्याने हा प्रकार समोर आला. मुलीच्या आईने पोलिस ठाणे गाठून तक्रार दाखल केली. पवारवाडी पोलिसांनी संशयित आरोपी मसुद अयाज फारुख बफाती यांच्या विरोधात बलात्कारासह पोस्का अंतर्गत गुन्हा दाखल केला.