हैदराबाद नगरीची खास ओळख असलेल्या ४०० वर्षे पुरातन चारमीनार या जगप्रसिद्ध इमारतीच्या वरच्या मजल्याचा एक भाग कोसळल्याने चारमीनार इमारतीच्या सुरक्षेचा मुद्दा चिंतेचा विषय बनला आहे. राज्याच्या पुरातत्व विभागाने काही दिवसांपूर्वीच या इमारतीची डागडुजी केली होती. अशाच प्रकारे काही दिवसांपूर्वी चारमीनारच्या पश्चिमेकडील भागातील एक मोठा हिस्सा तुटला होता. दररोज देश-विदेशांतील हजारो पर्यटक चारमीनारला भेट देत असतात. या इमारतीची स्थिती नाजूक असल्याने पर्यटकांना सध्या पहिल्या मजल्यापर्यंतच जाण्याची परवानगी देण्यात येत आहे.
मोहम्मद कुतुब शाह याने सन १५९१ मध्ये या ऐतिहासिक इमारतीची निर्मिती केली होती. चारमीनार जगात प्रसिद्ध असून ती हैदराबाद शहराची खास ओळख आहे.