ट्रॅफिक सिग्नल तोडल्यामुळे अपघात झाल्याच्या घटना अनेकदा घडत असतात. पण अहमदाबादमध्ये मात्रट्रॅफिक सिग्नलतोडल्याच्या‘ अपघातामुळेच’एका तरुणाचे लग्न जमले आहे.विशेष म्हणजे सिग्नल तोडल्याबद्दल त्याला दंड करणाऱ्या पोलिसांचे या तरुणानेट्विटरच्या माध्यमातून आभारही मानले आहेत.
काही दिवसांपूर्वी संबंधित तरुणाने ट्रॅफिक सिग्नल लाल असताना झेब्रा क्रॉसिंग ओलांडले होते. अहमदाबादमध्ये प्रत्येक सिग्नलवर सीसीटीव्ही कॅमेरे बसवण्यात आले आहेत. त्यामुळे या तरुणाचा हा ‘गुन्हा’ कॅमेऱ्यात कैद झाला. दुचाकीच्या नंबरच्या आधारे त्याचा पत्ता शोधून ट्रॅफिक पोलिसांनी त्याच्या घरीदंडाचा मेमो पाठवला.या मेमोसह सिग्नल तोडतानाचा फोटोही पाठवण्यात आला. शनिवारी संध्याकाळी हा मेमो या तरुणाच्या आधी त्याच्या आई-वडिलांच्या हातात पडला.
या तरुणाने सिग्नल तोडला तेव्हा त्याची प्रेयसी दुचाकीवर त्याच्यामागे बसली होती. हा फोटो त्याच्या अगोदर आई-वडिलांनी पाहिला. सिग्नल तोडल्याचा विषय सोडून ही मुलगी कोण आहे असा प्रश्नच त्यांनी या तरुणाला विचारला. तेव्हाही मुलगीमाझी प्रेयसी असल्याचा खुलासा त्या मुलाने केला.
लगेच त्या मुलीच्या आई-वडिलांशी मुलाच्या आई वडिलांनी संपर्क साधला. पाहता पाहता एका दिवसांत गाठी भेटी होऊन या दोघांचं लग्न ठरलं.या तरुणाचे लग्न ठरल्यावर रविवारी या तरुणाने ट्विटरवरून अहमदाबाद पोलिसांचे आभार मानले.अहमदाबादचेपोलीस आयुक्त विपुल अग्रवाल यांनी या ट्विटला ‘ जोर का झटका धीरे से लगा’ असं उत्तरही दिलं. सोशल मीडियावर ही ‘लग्नाची गोष्ट’ आता प्रचंड व्हायरल झाली आहे.
आता अहमदाबादच्या पोलीस अधिकाऱ्यांना हा तरुण लग्नाचं आमंत्रण देणार का असा सवाल अनेक नेटिझन्सनी केला आहे.