गेमवरून देशभरात वादळ उठलं आहे. परीक्षेच्या काळात पबजीवर बंदी घालण्याची मागणीही केली आहे. सतत पबजी खेळल्यामुळे काश्मीरमधील एका फीटनेस ट्रेनरला हॉस्पिटलमध्ये दाखल करावे लागले आहे. पबजी नुकसान करणारं असलं तरी एका जोडप्यासाठी ते खास ठरलंय. पबजी गेम खेळता-खेळता या दोघांचं प्रेम जुळलं व त्यांनी आता साखरपुडाही उरकून टाकलाय.
नूरहान अल हशीश नावाच्या एका तरुणानं त्याच्या @Nourhanlhashish या ट्विटर हँडलवर त्याची लव्ह स्टोरी सांगितली आहे. नूरहानने ट्विटवर एक फोटोही शेअर केला आहे. हा फोटो शेअर करताना नूरहान म्हणाला की, पबजीमधून सुरुवात झाली होती आणि आता आम्ही साखरपुडाही उरकला आहे. लवकरच विवाहबंधनात अडकणार आहोत. नूरहानने आपल्या मित्रांच्या उपस्थितीत साखरपुडा उरकून टाकला आहे. परंतु, त्यानं त्याच्या जोडीदाराचं नाव अद्याप गुपीत ठेवलं आहे. नूरहानचं हे ट्विट सध्या खूप व्हायरल होत आहे. नूरहानच्या अकाउंटवर तो मिस्र या देशाचा असावा असा कयास बांधला जात आहे.