जम्मू-काश्मीरमधील लडाख इथं ट्रेकिंगसाठी गेलेल्या मुंबईतील एका ट्रेकरचा गुरुवारी हृदयविकाराच्या झटक्यानं मृत्यू झाला. लडाखमध्ये मदत व बचावकार्य करणाऱ्या हवाई दलाच्या पथकाला त्याचा मृतदेह आढळून आला.
धवल सुरेश शाह असं या ट्रेकरचं नाव आहे. चदर ट्रेकवरील तिब्ब गुहेजवळ त्याला हृदयविकाराचा झटका आल्याची माहिती हवाई दलाच्या अधिकाऱ्यांनी दिली. धवलचा मृतदेह विमानानं लेह येथील हवाई दलाच्या तळावर आणण्यात आला असून पुढील औपचारिकता पूर्ण झाल्यानंतर तो मुंबईला पाठवण्यात येणार आहे.