लैंगिक शोषणाच्या आरोपाखाली गायक मिका सिंगला दुबईत अटक करण्यात आल्याचे वृत्त आहे. ब्राझीलची नागरिक असलेल्या १७ वर्षीय मुलीच्या तक्रारीवरून मिकाविरुद्ध गुन्हा दाखल करून त्याला अटक करण्यात आली आहे.
मिळालेल्या माहितीनुसार, मुराक्काबात पोलीस स्टेशनमध्ये मिकाविरुद्ध तक्रार दाखल करण्यात आली आहे. मिकाने आपल्याला आक्षेपार्ह फोटो पाठवल्याचा या मुलीचा आरोप आहे. मिकाला पहाटे तीन वाजताच बर दुबई भागातून अटक करण्यात आली आहे. सध्या तो आमच्या कोठडीत आहे, अशी माहिती दुबई पोलिसांनी सूत्रांना दिली.
दरम्यान, मिका सिंग एका शोसाठी गेल्या काही दिवसांपासून दुबईत असून त्याच्या सुटकेसाठी मित्रमंडळींकडून जोरदार प्रयत्न केले जात आहेत.