पेट्रोल-डिझेलचे भाव सातत्याने घसरत असून गेल्या दीड महिन्यांत पेट्रोल १० रुपयांनी तर डिझेल ७ रुपयांनी स्वस्त झाले आहे. एकेकाळी नव्वदी गाठणारे पेट्रोलचे भाव पुन्हा ७५ रुपयांवर आल्यांमुळे जनसामान्यांना दिलासा मिळाला आहे.
१५ ऑगस्टपासून ऑक्टोबरच्या मध्यापर्यंत पेट्रोल, डिझेलचे भाव सातत्याने वाढत होते. पण त्यानंतर दीड महिन्यांत पेट्रोलचे भाव झपाट्याने घसरले आहे. मुंबईत ऑक्टोबरमध्ये ९१ रुपये प्रतिलिटरने मिळणारे पेट्रोल आता ७८ रुपये प्रतिलिटरने मिळते आहे. दिल्ली आणि बेंगळुरुमध्ये पेट्रोल ७३ रुपयांत तर कोलकात्यात ७६ रुपयांमध्ये मिळते आहे. पश्चिम बंगालमध्ये पेट्रोलने गेल्या तीन महिन्यात सर्वात नीच्चांकी दर गाठला आहे. डिझेलचे दरही ६५ ते ७० रुपयांपर्यंत कमी झाले आहेत. पेट्रोल,डिझेलने गेल्या आठ महिन्यांत नीच्चांकी दर गाठला आहे.
जागतिक बाजारपेठेत कच्च्या तेलाची आवक वाढल्यामुळे डॉलरचा भाव घसरला आहे. याचाच परिणाम देशातील पेट्रोल-डिझेलच्या दरांवर होतो आहे.