२०१७-१८ या वर्षात देशभरात रेल्वेतील एसी डब्यातून १४ कोटींचे सामान चोरीला गेले आहे. चोरीला गेलेल्या टॉवेल, चादरीं, ब्लँकेट, उशांच्या खोळी, बेडरोल यासोबतच शौचालयमधील मग, नळ यांचाही समावेश आहे.
एसी डब्यांमध्ये प्रवास करणाऱ्या प्रवाशांना उत्तमोत्तम सुविधा देण्याची प्रयत्न करत असतानाच प्रवासी २१ लाख,७२ हजार बेडरोल व तत्सम वस्तू गायब झाल्या आहेत. यात १२ हजार टॉवेल, ४,७१,०७७ चादरी आणि ३ लाख १४ हजार ९५२ उशांच्या खोळी चोरीला गेल्या आहेत. चौकशी केली असता एसीतले प्रवासीच या गोष्टी चोरत असल्याची बाब समोर आली आहे. त्यामुळे चोरीला जाणाऱ्या वस्तूंवर कसं लक्ष ठेवायचं हे रेल्वेला पडलेलं मोठं कोडं आहे.