जमनलाल बजाज इन्स्टिट्यूट ऑफ मॅनेजमेंटच्या एका विद्यार्थ्याला दोन महिन्यांच्या इंटर्नशिपसाठी तब्बल साडेपाच लाख रुपये स्टायपेंड देण्यात आला आहे. प्रशिक्षणार्थी उमेदवाराला आतापर्यंत देण्यात आलेला हा सर्वाधिक स्टायपेंड आहे. विशेष म्हणजे, हा विद्यार्थी व्यवस्थापनाच्या प्रथम वर्षाचा आहे.
भारतातील मॅनेजमेंट महाविद्यालयांमध्ये शिकणाऱ्या विद्यार्थ्यांना इंटर्नशिपसाठी देण्यात येणाऱ्या स्टायपेंड्समध्ये गेल्या काही वर्षांत घसघशीत वाढ झाली आहे. आयआयएमध्ये इंटर्नशिपसाठी ३ लाखांहून अधिक स्टायपेंड दिला जाते. तर, टाटा इन्स्टिट्यूट ऑफ सोशल सायन्सेसच्या विद्यार्थ्यांना १ लाखाहून अधिक प्रशिक्षणार्थी भत्ता मिळतो. पण बजाज महाविद्यालयाच्या विद्यार्थ्याला मिळालेला भत्ता सर्वाधिक आहे. एका आंतरराष्ट्रीय बँकेनं त्याला हा भत्ता देऊ केला आहे. मागील वर्षांच्या तुलनेत या वर्षी प्रशिक्षणार्थी भत्त्यामध्ये १८ टक्क्यांनी वाढ करण्यात आली आहे. येत्या काळात व्यवस्थापन क्षेत्रात मोठ्या प्रमाणात संधी उपलब्ध होत आहेत.