लग्नानंतर दीपिका आणि रणवीरवर शुभेच्छांचा वर्षाव सुरु आहे. मात्र या सगळ्यांमध्ये कंडोमचा ब्रँड असलेल्या ‘ड्युरेक्स’ने दोघांना शुभेच्छा दिल्या आहेत. ‘ड्युरेक्स’ने दिलेल्या या हटके शुभेच्छांचा फोटो सोशल मीडियावर तुफान व्हायरल झाला आहे.
इटलीतील लेक कोमो इथं पारपांरिक कोंकणी पद्धतीनं बुधवारी दीप-वीरचा लग्नसोहळा संपन्न झाला. या नवदाम्पत्याला पुढील वाटचालीसाठी त्यांच्या मित्र-मंडळींनी, चाहत्यांनी शुभेच्छा दिल्या. दरम्यान,’ड्युरेक्स’नेदेखील या जोडीला शुभेच्छा देत आपल्या ब्रँडची जाहिरातही अतिशय हुशारीनं केली आहे.
अभिनेता रणवीर सिंग ‘ड्युरेक्स’ कंडोमचा ब्रँड अॅम्बेसेडर होता. त्यामुळे आपल्या या लाडक्या ब्रँड अॅम्बेसेडरला ‘ड्युरेक्स’ ने शुभेच्छा दिल्या आहेत.’ड्युरेक्स’ने याआधी विराट कोहली- अनुष्का शर्मा, सोनम कपूर – आनंद आहुजा या जोड्यांनादेखील अशाच हटके आणि मजेशीर शुभेच्छा दिल्या आहेत.