कोलकाता मेडिकल कॉलेज आणि हॉस्पिटलच्या फार्मसी विभागाला आज बुधवारी पहाटे भीषण आग लागली आहे. आगीचं वृत्त कळताच अग्निशमन दलाच्या १० गाड्या घटनास्थळी पोहोचल्या. रुग्णालयातल्या सुमारे २५० रुग्णांना सुखरुप बाहेर काढण्यात आले आहे. आगीवर नियंत्रण मिळवण्याचे प्रयत्न सुरू आहेत.
रुग्णालयाच्या फार्मसी विभागात ही आग लागली. आगीच्या ज्वाळा भीषण इतक्या भीषण होत्या की रुग्णालयात एकच हलकल्लोळ माजला. रुग्ण आणि त्यांच्या नातेवाईकांनी आरडाओरडा सुरू केला. अग्निशमन दलाच्या १० गाड्या आग विझवण्यासाठी शर्थीचे प्रयत्न करत आहेत.