लॉटरी लागावी आणि आपण रातोरात करोडपती व्हावं असं स्वप्न अनेकजण पाहत असतात. त्यामुळं वेळोवेळी लॉटरीचे तिकीट खरेदी करणाऱ्यांची संख्या कमी नाही. पण काही जणांचं नशीब एवढं चांगलं असतं की ज्या गोष्टीची ते स्वप्नातही कल्पना करत नाही अशी गोष्ट त्यांच्या सोबत घडतात. असंच काहितरी पंजाबमधील संगरूर जिल्ह्यातील एका व्यक्तीसोबत घडलं आहे.
मनोज कुमार नावाच्या एका कामगाराला तब्बल दिड कोटींची लॉटरी लागली आहे. विशेष म्हणजे या कामगाराकडं लॉटरीचं तिकीट विकत घेण्यासाठी देखील पैसे नव्हते. त्यानं लॉटरीच्या तिकीटासाठी २०० रुपये उधार घेतले आणि एका रात्रीत तो करोडपती झाला.
पंजाब राज्य राखी बंपर २०१८ या लॉटरी स्पर्धेत खरेदी केलेल्या तिकीटावर मनोजला पहिल्या क्रमांकाचं बक्षिस मिळालं आहे. मनोजनं लॉटरीचं तिकीट घेऊन संबंधित अधिकाऱ्याची भेट घेतली आणि त्याचं तिकीट दाखवलं. अधिकाऱ्यांनी देखील मनोजला लॉटरीची रक्कम लवकरात लवकर देण्यातं आश्वासन दिलं आहे.