रेल्वेच्या मागे लागलेले शुक्लकाष्ठ संपता संपत नाही. ऐरोली रेल्वेस्थानकाजवळ दुपारच्या सुमारास रुळाला तडा गेल्याने ट्रान्सहार्बरवरील वाहतूक विस्कळीत झाली आहे. दोन्ही बाजूच्या वाहतुकीवर परिणाम झाला आहे.
अंधेरी रेल्वेस्थानकाजवळ पुलाचा भाग कोसळल्यानं काल दिवसभर पश्चिम रेल्वे ठप्प झाली होती. तब्बल १६ तासांनी या मार्गावरील वाहतूक पूर्ववत झाली. रेल्वेमार्गांवर होणारे बिघाड काही केल्या कमी होताना दिसत नाहीत. आता ट्रान्सहार्बर मार्गावरील ऐरोली स्थानकाजवळ रुळाला तडा गेला. त्यामुळे ऐरोलीजवळ मालगाडी अडकली आहे. परिणामी ठाण्याकडे येणारी आणि वाशीकडे जाणारी वाहतूक विस्कळीत झाली आहे.