कुर्ला पश्चिम येथील बस आगारात बसमागे घेताना दोन बसमध्ये झालेल्या अपघातात एका महिलेचा चिरडून मृत्यू झाल्याची दुर्देवी घटना घडली आहे. अत्यंत अपुऱ्या जागेमुळे बसमागे घेताना हा अपघात झाल्याचं सांगण्यात येतं.
कुर्ला पश्चिमेकडे असलेल्या बस आगारात आज सकाळी ही दुर्देवी घटना घडली. या आगारात अत्यंत अपुरी जागा आहे. शिवाय इथेच रिक्शाही थांबत असतात. आजूबाजूला मार्केट असल्याने या आगारात नेहमीच वर्दळ असते. खासकरून सकाळच्या वेळी या आगारात बस पकडण्यासाठी मोठी गर्दी असते. आज सकाळी कुर्ला आगारात एक विचित्र अपघात झाला. बसचालक बसमागे घेत असताना पाठिमागून आणखी एक बस आली. या दोन बसच्यामध्ये सापडल्याने एक महिला चिरडली गेली. या महिलेला तात्काळ रुग्णालयात दाखल करण्यात आले. मात्र रुग्णालयात पोहोचण्यापूर्वीच तिचा मृत्यू झाला होता.