प्लास्टिकबंदीच्या निर्णयाची अंमलबजावणी न करणाऱ्या एका वाइन शॉपच्या मालकाला मंगळवारी दहा हजार रुपयांचा आर्थिक दंड आकारण्यात आला. सिन्नर फाटा येथील संबंधित व्यावसायिकाने दहा हजार रुपयांची चिल्लर देऊन हा दंड भरला. एकदम एवढी चिल्लर पाहून महापालिकेच्या पथकावर कपाळाला हात लावण्याची वेळ आली. एक आणि दोन रुपयांची नाणी मोजताना या पथकातील अधिकारी आणि कर्मचारी अक्षरश: रडकुंडीला आले होते. या दुकानदारास पालिका अधिकाऱ्यांनी दुसऱ्यांदा दंड ठोठावला आहे.