नवी मुंबईतील बेलापूर रेल्वे स्थानकाबाहेरील कचरा पेटीत पुरुषाचा बेवारस मृतदेह आढळल्याने परिसरात खळबळ उडाली आहे. महापालिकेची कचरावेचक गाडी सकाळी आली असता कचरा वेचणा-या कामगारांना अंदाजे ४५ वयाच्या इसमाचा हा मृतदेह सापडला आहे.
कचरापेटीत आढळलेल्या या मृतदेहाचे तुकडे केलेले आहेत. कचरापेटीत मृत व्यक्तीचे जळालेले मुंडके आणि एक हात सापडला. या मृतदेहाचा एक हात व धड अद्यापही पोलिसांना सापडले नाही. सदर मृतदेह साधारण ७ ते ८ दिवसांपूर्वी हत्या करुन मंगळवारी कचरा कुंडीत फेकला असावा, असा अंदाज पोलिसांनी व्यक्त केला आहे.
या प्रकरणी अज्ञात व्यक्ती विरोधात गुन्हा दाखल केला असून पोलीस अधिक तपास करत आहेत.