पाऊस म्हटलं की चिकचिक, त्यात घराच्या बाहेर पडणं आणि गाडी चालवत ऑफीसला जाणं म्हणजे आणखीनच चिडचिड. मग रेनकोट घालून गेलं तरी भिजायला होतंच. मग तो कितीही चांगला रेनकोट असला तरीही. तेव्हा आपल्याकडील कल्पनावीरांना काय सुचेल सांगता येत नाही. दुचाकीवर भिजायला होऊ नये म्हणून असेच एक कव्हर बाजारात आलंय. त्यामुळे तुमचे पावसापासून संरक्षण होणार असून याच पावसात गाडीवरुन फिरण्याचा आनंदही तुम्ही लुटू शकणार आहात.
संपूर्ण दुचाकीला कव्हर करेल असा गाडीसाठीचा हा रेनकोट गाडीवर असलेल्या दोघा व्यक्तींचेही संरक्षण करणार आहे. यामध्ये अनेक वेगवेगळे रंग आणि प्रकार उपलब्ध असून ऑनलाईन वेबसाईटवर हे कव्हर खरेदीसाठी उपलब्ध आहेत. हे कव्हर फोल्डींग स्वरुपातील असल्याने त्याची काढ-घाल करणं सोपं आहे. तसेच त्याची किंमतही हजार ते दोन हजार रुपयांपर्यंत असल्याने ते खरेदी करणं शक्य होई शकतं.