योगगुरु रामदेव बाबा यांच्या पतंजली संस्थेचे अपारंपरिक उर्जा स्त्रोतावर म्हणजे ‘बुल पावर’वर संशोधन सुरू आहे. बैलांच्या ओढण्याच्या शक्तीच्या मदतीने वीज निर्मिती करण्याचा प्रयोग गेल्या दीड वर्षापासून पतंजली करते आहे. या संशोधनात पतंजलीला प्राथमिक स्तरावर काहीसं यश मिळालं आहे. कत्तलखान्यांमध्ये जनावरांना पाठवण्याची वेळ शेतकऱ्यांवर येऊ नये, हा या संशोधना मागचा उद्देश आहे.
हा प्रयोग पतंजलीचे व्यवस्थापकीय संचालक बालकृष्ण यांच्या पुढाकाराने सुरू करण्यात आला. यात देशातील एक प्रमुख आंतरराष्ट्रीय पातळीवरील वाहन निर्मिती करणारी कंपनी आणि एका तुर्की कंपनीने सहभाग घेतला आहे. यासाठी एक प्रोटोटाइप डिझाइन बनवण्यात आलं आहे आणि अधिकाधिक वीज निर्मिती करण्याच्या दृष्टीने त्यात बदल करण्यात येत आहेत. एक टर्बाइन असलेल्या या डिझाइनमधून २.५ किलोवॅट वीज निर्मिती होऊ शकते, अशी माहिती या प्रयोगावर काम करणाऱ्या एका संशोधकाने दिली.
हरीद्वारमधील मुख्यालयात पतंजलीचे यावर संशोधन सुरू आहे. बैलांचा उपयोग सकाळी शेतात आणि संध्याकाळी वीज निर्मितीसाठी केली जाऊ शकतो. यामुळे बैलांच्या शक्तीच्या वापरातून जास्तीत जास्त वीज उत्पादन कसे होईल यावर संशोधन सुरू आहे. यातून एक शेतकरी आपल्या घरापुरता तरी वीज मिळवू शकतील. पण यात अजून अपेक्षित यश मिळालेले नाही,