तालुक्यात देशमुखवाडी येथील ईश्वर ज्ञानदेव बरबडे यांच्या वांग्याच्या झाडात गांज्याची झाडे असल्याची गुप्त माहिती मिळाल्यावर उपविभागीय पोलिस अधिकारी सुदर्शन मुंढे यांनी जिल्हा पोलिस अधीक्षक डॉ. सौरभ त्रिपाठी यांच्या मार्गदर्शनाखाली पोलिस पथकासह छापा टाकून १० किलो १५० ग्रॅम वजनाचा गांजा पकडला.
या प्रकरणी उपविभागीय पोलिस अधिकारी हे स्वतः फिर्यादी झाले आहेत. त्यांनी दिलेल्या फिर्यादित म्हटले आहे, कर्जत तालुक्यातील देशमुखवाडी येथील ईश्वर ज्ञानदेव बरबडे हे गांज्याची बेकायदा शेती करीत असल्याची माहिती गुप्त बातमीदाराने पोलिस अधिकाऱ्यांना दिली. त्याबाबत पूर्ण खात्री केली व या माहितीच्या अधारे मी वरिष्ठांना याबाबत सर्व माहिती दिली. या नंतर गुरुवारी ( २३ मार्च) सांयकाळी पोलिस पथक घेऊन ईश्वर बरबडे यांच्या शेतामध्ये गेलो. तिथे वांग्यामध्ये गांज्याची झाडे लावलेली आहेत का, याची पाहणी केली असता गांज्याची काही झाडे शेतामध्ये लावल्याचे आढळून आले. लगेच या झाडांचा पंचनामा केला व ती मूळासकट उपटून जप्त केली. या सर्व झाडांच्या गांज्याच्या पानाचे वजन १० किलो १५० ग्रॅम भरले. याची किंमत ५० हजार रुपये होते. ही झाडे लावण्यास परवाणगी नसतानाही बेकायदा स्वतःच्या आर्थिक फायद्यासाठी ही झाडे लावली म्हणून ईश्वर बरबडे याच्यावर गुन्हा दाखल केला आहे. या पथकामध्ये राशिन येथील पोलिस उपनिरीक्षक वैभव महांगरे, पोलिस कर्मचारी डोबांळे, शेख, मरकड, जाधव, सातपुते यांचा समावेश होता. या धाडसी कारवाईबद्दल उपविभागीय पोलिस अधिकारी सुदर्शन मुंढे आणि पथकाचे जिल्हा पोलिस अधीक्षक डॉ. सौरभ त्रिपाठी यांनी अभिनंदन केले.