रेल्वे रुळावर डोके ठेवून दोन जणांनी आत्महत्या केल्याची हृदयद्रावक घटना नांदगाव येथे घडली आहे. नांदगाव रेल्वे स्टेशनवर मालगाड्या जाणा-या रेल्वे रूळावर झोकून देत दोघांनी आत्महत्या केली. आज सकाळी १० वाजता हा प्रकार घडला. मृतांमध्ये एक युवक व महिलेचा समावेश आहे. युवकाचे नाव अमोल अशोक साठे (वय २९) असे असून त्याच्या खिशातून आधार कार्ड, ड्रायव्हिंग लायसन्स, पॅनकार्ड मिळाले. येवला तालुक्यातील कुसमाडी हे अमोलचे गाव असल्याचे कागदपत्रांवरून निष्पन्न झाले. महिलेचे (नाव समजले नाही) वय अंदाजे २५ वर्षे असून आत्महत्येचे कारण समजू शकले नाही.