बॉलिवूडची ‘बेबो’ करीना आणि ‘नवाब’ सैफ अली खान यांना पुत्ररत्नाचा लाभ झाला आहे. आज सकाळी ७.३० च्या सुमारा ब्रीच कँडी रुग्णालयात करीनाने बाळाला जन्म दिला असून आई व बाळ दोघांचीही तब्येत उत्तम असल्याच समजते. या नव्या पाहुण्याच्या आगमनामुळे कपूर आणि पतौडी कुटुंबियांमध्ये आनंदाचे वातावरण पसरले आहे.
काही महिन्यांपूर्वी स्वत: सैफनेच आपण ‘बाबा’ बनणार असल्याची गुड न्यूज शेअर केली होती. डिसेंबर महिन्यात आम्हाला बाळ होणार असल्याचे त्याने नमूद केले. तसेच चाहत्यांच्या आशिर्वादासाठी आभार मानत, मीडियाने खासगी आयुष्यात छवळाढवळ न करता पेशन्स दाखवल्याबद्दलही आम्ही आभारी आहोत असेही सैफने म्हटले आहे होते.
करीनाच्या प्रेग्नन्सीची चर्चा ब-याच काळापासून सुरू होती. करिनाचे वडील अभिनेते रणधीर कपूर यांनी देखील मला लवकरच आजोबा बनायचं आहे असे विधान केले होते. या सगळ्यामुळे करिना-सैफच्या घरात लवकरच पाळणा हलणार असणार असल्याचे म्हटले जात होते. त्यानंतर सैफनेच ही खूशखबर दिल्याने त्यावर शिक्कामोर्तब झाले.