पुण्याच्या हडपसर येथील एसआरपीएफ मैदानावर सोमवारी सकाळी एका पोलीस कॉन्स्टेबलचा मृत्यू झाल्याची दुर्देवी घटना घडली. राम नागरे असे या मृत पोलीस कर्मचाऱ्याचे नाव असून तो याठिकाणी पोलीस उपनिरीक्षक पदासाठीच्या शारीरिक चाचणीसाठी सराव करत होता. सराव सुरू असताना राम नागरे अचानक मैदानावर कोसळले. यानंतर त्यांना नजीकच्या नोबेल रूग्णालयात दाखल करण्यात आले. मात्र, डॉक्टरांनी त्यांना मृत घोषित केले. राम नागरे यांचा मृत्यू हदयविकारामुळे झाल्याचे डॉक्टरांनी सांगितले.
कॉन्स्टेबल पदावर असणारे राम नागरे सध्या नियंत्रण कक्षात कार्यरत होते. मात्र, सध्या पोलीस खात्यातंगर्त होणाऱ्या पोलीस उपनिरीक्षकपदाच्या शारीरिक परीक्षेसाठी ते हडपसरच्या एसआरपीएफ मैदानावर दाखल झाले होते. त्यांना लेखी परीक्षेत २१८ गुण मिळाले होते.