पाकिस्तानातील पेशावर शहरातील ख्रिश्चन कॉलनीवर शुक्रवारी सकाळी दहशतवाद्यांनी हल्ला केला. यावेळी सुरक्षापथकांबरोबर झालेल्या चकमकीत चार दहशतवादी मारले गेले. एका नागरीकाचाही या हल्ल्यात मृत्यू झाला असून एकूण पाच जण ठार झाल्याची माहिती पाकिस्तानी प्रसारमाध्यमांनी दिली आहे.
सकाळी सहाच्या सुमारास दहशतवादी आणि सुरक्षापथकांमध्ये चकमक सुरु झाली. पाकिस्तान-अफगाणिस्तान सीमेजवळ ही ख्रिश्चन कॉलनी आहे. या भागात स्फोटाचे आवाज ऐकू आले असून, पाकिस्तानी सैन्य दलांकडून या भागात शोध मोहिम सुरु आहे. सध्या या भागाला सुरक्षापथकांनी घेराव घातला आहे.