छत्तीसगडमधील सुकमा जिल्ह्यात सुरक्षा दलाच्या जवानांबरोबर झालेल्या चकमकीत एक नक्षलवादी ठार झाला आहे, अशी माहिती पोलिसांनी आज (बुधवार) दिली.
सुकमा जिल्ह्याच्या पोलिस अधीक्षक इंदिरा कल्याण इस्लेला यांनी दिलेल्या माहितीनुसार, ‘दोरानपल पोलिस स्टेशनच्या हद्दित असलेल्या पोंगा भेजी गावाच्या हद्दीत नक्षलवाद्यांविरोधात सुरक्षा दलाचे जवान व पोलिसांनी संयुक्तरित्या आज सकाळी शोध मोहिम सुरू केली होती. यावेळी झालेल्या चकमकीत एक नक्षलवादी जागीच ठार झाला. त्याच्याकडील शस्त्रास्त्रे ताब्यात घेण्यात आली आहेत. परिसरात शोधमोहिम अद्याप सुरू आहे.‘