हैदराबाद शहराजवळच्या औषधनिर्मिती कंपनीमध्ये भीषण स्फोट झाला. यामध्ये चार जणांचा जागीच मृत्यू झाला तर अन्य सहाजण गंभीर जखमी झाले आहेत. ही घटना सोमवारी सकाळी सहा वाजण्याच्या सुमारास घडली.
हैदराबाद शहराजवळच्या या कंपनीत सकाळच्या वेळेस काही कर्मचारी काम करत होते. त्यावेळी येथे अचानक स्फोट झाला. त्यामुळे जवळ असलेल्या कर्मचा-यांचा जागीच मृत्यू झाला तर अन्य काहीजण गंभीर जखमी झाले.
जखमी झालेल्या कर्मचा-यांना तात्काळ रुग्णालयात उपचारासाठी दाखल करण्यात आले आहे, अशी माहिती पोलीस अधिकारी पी. नारायण यांनी दिली आहे.
हा स्फोट नेमका कशामुळे झाला याचे कारण अद्यापही समजलेले नाही. मृत कर्मचा-यांपैकी दोनजण छत्तीसगढ येथील रहिवासी आहेत तर दोनजण आंध्रप्रदेशमधील रहिवासी आहेत.