केजरीवाल यांना दिले जोडे खरेदीसाठी पैसे

ही रक्कम पाठविणाऱ्याचे नाव सुमित अग्रवाल आहे. गेल्या महिन्यात फ्रान्सचे राष्ट्राध्यक्ष फ्रान्स्वा ओलांद यांच्या सन्मानार्थ राष्ट्रपती भवनात झालेल्या स्नेहभोजन समारंभाला केजरीवाल किटो सँडल घालून गेले होते.

सँडल घातलेले केजरीवाल ओलांद यांना भेटत असल्याचे छायाचित्र प्रसिद्ध केले होते. हे न रुचल्यामुळेच अग्रवाल यांनी केजरीवालांना ३६४ रुपयांचा डीडी पाठवून त्यांना त्यातून शूज खरेदी करण्याची विनंती केली आहे. प्रत्येक कार्यक्रमाचे एक वेगळे महत्त्व असते. अशावेळी काही शिष्टाचार पाळणे आवश्यक ठरते. दिखावा वाईट; पण साधेपणाचा अतिरेक करणेही अशावेळी वाईटच दिसते. मुख्यमंत्री केजरीवालांनी हे ध्यानात घ्यावे, असे त्याने पत्रात नमूद केले आहे.