मुजफ्फरपूर न्यायालयाच्या आदेशानुसार मॅगीची जाहिरात केल्याप्रकरणी सुपरस्टार अमिताभ बच्चन आणि अभिनेत्री माधुरी दीक्षित यांच्यावर गुन्हे दाखल करण्यात आले आहेत. तसेच नेस्ले कंपनीच्या अधिकाऱ्यांवरही गुन्हे नोंदवण्यात आले आहेत.
‘मॅगी’प्रकरणी अॅड. सुधीर कुमार ओझा यांनी मुजफ्फरपूर न्यायालयात काल खटला दाखल केला होता. त्यावर आज सुनावणी झाली. न्यायालयाने मॅगीची जाहिरात करणारे अभिनेते अमिताभ बच्चन, माधुरी दीक्षित यांच्यासह नेस्ले कंपनीच्या अधिकाऱ्यांवर गुन्हे दाखल करण्याचे आदेश दिले.
दरम्यान, उत्तर प्रदेशातील एफएसडीए या अन्नपदार्थ नियंत्रक यंत्रणेने बाराबंकी येथील स्थानिक कोर्टात नेस्ले कंपनीविरोधात तक्रार दाखल केली आहे. ‘मॅगी’ची जाहिरात करणारे अमिताभ बच्चन, माधुरी दीक्षित आणि प्रिती झिंटा यांच्याविरोधातही एक स्वतंत्र याचिका दाखल झाली आहे.