नाशिक जिल्ह्यातील वणी येथे कळवण- वणी- नांदुरी रस्त्यावर खांडे मळ्याजवळ शनिवारी पहाटे झालेल्या भीषण कार अपघातात पाच तरुण जागीच ठार झाले. तर अन्य तीन जण गंभीर जखमी झाले आहेत.
त्यांना तातडीने वणी येथील रुग्णालयात दाखल केले आहे. हे सर्वजण वणी गावचे रहिवासी असल्याने गावावर शोककळा पसरली आहे.
मिळालेल्या माहितीनुसार, मित्राचा वाढदिवस साजरा करून हे सर्वजण घरी परतत असताना पहाटे दोन वाजता मोटार कार झाडावर आदळून अपघात झाला. या भीषण अपघातात कारचा संपूर्ण चक्काचूर झाला आहे.