ण्यातील वैष्णवी हगवणे प्रकरण चर्चेत असताना राज्यांमधील इतर मानसिक आणि शारीरिक छळ केल्याची प्रकरणे समोर येऊ लागली आहेत. अशातच सांगलीमध्येही धक्कादायक प्रकार आता समोर आला आहे. पत्नीला मूल होत नसल्याचा त्याने बनाव केला आणि पत्नीला मानसिक त्रास दिला. शेवटी पत्नीने पोलिसात धाव घेतली आहे.
मूल होत नसल्याचा बनाव करत पत्नीस मानसिक त्रास देवून तीला हॉकी स्टीकने मारहाण केल्याचा प्रकार उघडकीस आला आहे. याप्रकरणी पती हेमंत वामन पाटील वय ३६, रा. गावदेवी, साई मंदिरनजीक, खिडकाळी, ता. पडले, जि. ठाणे आणि वंदना जगदीश पाटील वय ५४, रा. खिडकाळी, जि. ठाणे. यांच्यावर गुन्हा दाखल करण्यात आला आहे. या घटनेची नोंद सांगली पत्नीला मूल होत नसल्याचा त्याने बनाव केला आणि पत्नीला मानसिक त्रास शहर पोलीस ठाण्यात जखमी पत्नी निकीता हेमंत पाटील .वय ३०, रा. हिराबाग वॉटर हाऊस, खणभाग. यांनी फिर्याद नोंदविली आहे.
संशयित हेमंत पाटील यांच्यासमवेत फिर्यादी निकीता यांचा विवाह झाला होता. हेमंत याने निकीता यांना मूल न होण्याची काळजी घेतली आणि विनाकारण निकीता हिला मूल होत नसल्याच्या कारणावरुन त्रास देण्यास सुरवात केली. तुला घरातून हाकलून देणार असल्याची दमबाजी त्याने केली. याच विषयावरुन त्याने निकीता यांना मारहाण करुन तिच्याकडून ८५ हजार रुपये उकळले. तसेच त्याच्या परिचयाची असणारी संशयित वंदना पाटील हिच्याशी संगनमत करुन निकीता यांच्या गळ्यातील मंगळसूत्र जबरदस्तीने काढून घेतले. ते गहाण ठेवून त्यावर पैसे घेतले.
यासंदर्भात निकीता यांनी विचारणा केली असता हेमंत याने हॉकी स्टीकने त्यांना मारहाण केली. यामध्ये निकीता यांना पाय, पाठ आणि चेहऱ्यास दुखापत झाली आहे. तसेच याबाबत पोलीस ठाण्यात तक्रार नोंदविल्यास जीवे मारण्याची धमकी दिली असल्याचेही फिर्यादीत नमूद केले आहे. त्यानुसार शहर पोलिसांनी हेमंत पाटील आणि वंदना पाटील या दोघांवरती गुन्हा दाखल केला आहे अधिकचा तपास सांगली शहर पोलीस करीत आहेत.