अमेरिकेत एका 31 वर्षीय भारतीय नागरिकाला अल्पवयीन मुलांचे लैंगिक शोषण आणि बाल अश्लीलता (चाइल्ड पोर्नोग्राफी) प्रकरणात 35 वर्षे तुरुंगवासाची शिक्षा सुनावण्यात आली आहे, अशी माहिती अमेरिकन अधिकार्यांनी जाहीर केली. या प्रकरणात आरोपी साई कुमार कुरेमुला हा ओक्लाहोमा येथे राहत असलेला भारतीय नागरिक आहे, जो इमिग्रंट व्हिसावर अमेरिकेत स्थायिक होता. कुरेमुलाने एका सोशल मीडिया अॅपच्या माध्यमातून किमान 19 अल्पवयीन मुलींचे लैंगिक शोषण केले. तो अनेकदा स्वतःला 13 ते 15 वर्षांच्या मुलासारखा दाखवत होता, जेणेकरून त्यांना विश्वासात घेऊन त्यांचे शोषण करणे सोपे जाईल. जेव्हा बळी त्याच्या मागण्यांना विरोध करत, तेव्हा कुरेमुला त्यांना धमक्या देत, ब्लॅकमेल करत आणि त्यांना आणखी बाल अश्लील सामग्री तयार करण्यास भाग पाडत असे.