नासाच्या अंतराळवीर सुनीता विल्यम्स (Sunita Williams) आणि बुच विल्मोर या मंगळवारी (१८ मार्च) SpaceX कॅप्सूलद्वारे इंटरनॅशनल स्पेस स्टेशन(ISS) ९ महिने घालवल्यानंतर सुरक्षितपणे पृथ्वीवर परतल्या आहेत. फ्लोरिडा किनाऱ्याजवळ SpaceX चे ड्रॅगनक्राफ्ट कॅप्सूल स्प्लॅशडाउन केलं. बोईंगच्या स्टारलाइनर कॅप्सूलमधील तांत्रिक बिघाडानंतर नासाच्या अंतराळवीरांचा इंटरनॅशनल स्पेस स्टेशनवरील नियोजित एक आठवड्याचा मुक्काम नऊ महिन्यांपर्यंत लांबला होता. अखेर नासाचे सर्व अंतराळवीरांनी ISS मध्ये ९ महिने घालवल्यानंतर सुरक्षितपणे पृथ्वीवर परतले आहेत.
अंतराळात असलेले इंटरनॅशनल स्पेस स्टेशन हे पृथ्वीपासून सुमारे ४०९ किलोमीटर लांब आहे. गेल्या २५ वर्षांपासून जगभराती अनेक अंतराळवीर येथे गेले आहेत. या फुटबॉल-आकाराच्या संशोधन प्रयोगशाळेचे व्यवस्थापन प्रामुख्याने युनायटेड स्टेट्स आणि रशिया करतात, जे वैज्ञानिक सहकार्याचे प्रमुख केंद्र आहे.
इतके दिवस अंतराळात राहणारे हे अंतराळवीर काय खात असतील हा प्रश्न अनेकांना पडतो, तिथेही पृथ्वीसारखं अन्न मिळत असेल का? तर, न्यूयॉर्क पोस्टने १८ नोव्हेंबर २०२४ रोजी दिलेल्या एका अहवालात अंतराळवीर सुनीता विल्यम्स आणि बुच विल्मोर ISS वर पिझ्झा, रोस्ट चिकन आणि श्रींपचे कॉकटेल खात असल्याचे वृत्त दिले होते. बोइंग स्टारलाइनर मिशनशी संबंधित एका सूत्राने एका अहवालात सांगितलं होतं की या कालावधीत क्रूला फक्त पौष्टिक आहार दिला जातो.
एका इनसाइडर स्पेसलिस्ट हिंदुस्तान टाईम्सला दिलेल्या माहितीनुसार, अंतराळवीर नाश्त्यात पावडर दूध, पिझ्झा, रोस्ट चिकन, श्रींप कॉकटेल आणि टूना खातात. या मोहिमेदरम्यान, नासाच्या वैद्यकीय पथकाने अंतराळवीरांच्या कॅलरीजकडे बारकाईने लक्ष दिलं होतं. ९ सप्टेंबर रोजी नासाने जारी केलेल्या फोटोमध्ये बिलमोर आणि सुनीता विल्यम्स जेवताना दिसले होते. इतकंच नाही तर, अंतराळयानामध्ये ठेवलेले सर्व मांस आणि अंडी हे पृथ्वीवरच शिजवले जाते, त्यानंतर ते फक्त गरम करावे लागते. तर सूप, स्टू आणि कॅसरोल्स पाण्यात रिहायड्रेट केले जातात मग ते खाल्ले जातात.
तराळवीरांसाठी अंतराळात अनेक महिने घालवणे हे काही सोपे नाही. या काळात त्यांना अनेक शारीरिक आव्हानांना सामोरे जावं लागतं. यामध्ये स्नायू आणि हाडांचे नुकसान होणे, शरीरातील द्रवपदार्थ बदलल्यामुळे किडनी स्टोन होणे, डोळ्यांच्या समस्या आणि गुरुत्वाकर्षणामुळे शरीराचे संतुलन राखण्यात अडचण यांचा समावेश आहे. यासाठी नासाने पूर्ण तयारी केली आहे.