फॅन्सी नंबर प्लेट, काचेला काळी फीत लावल्याप्रकरणी पिंपरी-चिंचवड वाहतूक पोलिसांनी वाकड परिसरात एकाच दिवशी ४०६ वाहनांवर कारवाई केली. वाकड आणि थेरगाव परिसरात केलेल्या कारवाईत चार लाख ३७ हजार रुपयांचा दंड वसूल करण्यात आला.
वाकड येथे एकूण ३०५ वाहनांच्या काळ्या काचा पोलिसांनी उतरवल्या आहेत. दंडात्मक कारवाई करण्यात आली. पहिल्यांदा कारवाई होत असल्यास ५०० रुपये दंड केला जातो. एकदा कारवाई करूनही काळ्या काचा काढल्या नाहीत, तर पुन्हा कारवाई करताना वाहनचालकावर १५०० रुपयांचा दंड केला जातो. वाकड येथील कारवाईत दोन लाख ५०० रुपयांचा दंड आकारण्यात आला. थेरगाव येथील पदमजी पेपर मिलसमोर कारवाई केली.