वैद्यकीय प्रवेशाचे आमिष दाखवून सुमारे सव्वाकोटी रुपयांची फसवणूक, एका डॉक्टरसह तिघांविरोधात गुन्हा दाखल

 देसाई यांचा मुलगा मल्हारलाही प्रवेश मिळवून देण्याचे आश्वासन डॉक्टरने दिले. त्यानंतर १२ मार्च, २०२३ रोजी संबंधित महिला डेडिया व देसाई यांना भेटली. जीवन नावाच्या व्यक्तीमार्फत आपण प्रवेश मिळवून देणार आहोत. यापूर्वी त्याने अशा प्रकारे प्रवेश मिळवून दिले असून प्रवेश मिळवून देण्यासाठी ६२ लाख रुपये भरावे लागतील, असे तिने सांगितले. प्रवेश मिळाला नाही, तर पैसे परत करण्याचे आश्वासन संबंधित डॉक्टरने दिले. त्यानुसार डेडिया व देसाई यांनी प्रत्येकी ५७ लाख रुपये असे एकूण एक कोटी १५ लाख रुपये संबंधित डॉक्टरला दिली. त्यानंतर जून महिन्यात प्रवेश परीक्षेचा निकाल लागला. मात्र त्यानंतरही दोन्ही मुलांना वैद्यकीय महाविद्यालयात प्रवेश मिळाला नाही. त्यामुळे त्यांनी संबंधित डॉक्टरकडे पैशांची मागणी केली असता त्याने टाळाटाळ केली. त्यामुळे डेडिया यांनी कस्तुरबा मार्ग पोलिसांकडे तक्रार केली. याप्रकरणी पोलीस अधित कपास करीत आहेत.