टिटवाळा येथे बायकोने नवऱ्याचा गळा दाबून जीव घेतला; मृत्यूनंतर पोलिसांना असे काही सांगितले की…

का केली पतीची हत्या?

टिटवाळा जवळ बल्याणी परिसरात परिसरात प्रवीण मोरे व प्रणिता मोरे हे पती पत्नी राहत होते. प्रविण याला दारूचे व्यसन होते. प्रवीण दारू पिऊन प्रणिताशी वाद घालायचा. 3 ऑगस्ट रोजी प्रवीण दारू पिऊन घरी आला. त्याने प्रणिताची वाद घालण्यास सुरुवात केली संतापलेल्या प्रणिताने प्रवीणची गळा आवळून हत्या केली. हत्येचे कृत्य लपवण्यासाठी प्रणिताने दारू पिल्याने प्रवीणचा मृत्यू झाल्याचा भासवले. मात्र, प्रवीणच्या पोस्टमार्टम रिपोर्ट मध्ये त्याची गळा आवळून हत्या केल्याचे समोर आले. टिटवाळा पोलिसांना प्रणितावर संशय आला. पोलिसांनी प्रणिताला ताब्यात घेत तिची चौकशी केली असता प्रणिताने प्रवीणची गळा आवळून हत्या केल्याची कबुली दिली. पती दारू पिऊन वारंवार भांडण करत असल्याच्या रागातून पतीची हत्या केल्याची कबुली प्रणिताने दिली. याप्रकरणी टिटवाळा पोलिसांनी हत्येचा गुन्हा दाखल करत प्रणिता मोरे हिला बेड्या ठोकल्यात आहेत.

छत्रपती संभाजीनगरच्या DCP दीपक गिर्हे यांच्या खाजगी कारने दोघांना उडवले

छत्रपती संभाजीनगर शहराचे DCP दीपक गिर्हे यांच्या खाजगी कारने 2 मोटार सायकलस्वारांना उडवले आहे. जखमींना घाटी हॉस्पिटलमध्ये उपचारासाठी दाखल करण्यात आले. ज्या वाहनाने व्यक्तीला उडवले आहे. त्यात डीसीपी होते का? याची चौकशी सुरू आहे. पोलीस आयुक्त मनोज लोहिया यांनी या प्रकरणाची चौकशी सुरू केली आहे. डीसीपी गाडीत होते का? याची तपासणी केल्यानंतर पुढची कारवाई केली जाणार आहे अशी माहिती पोलीस आयुक्तांनी दिली.