शिवसेनेचं धनुष्यबाण हे निवडणूक चिन्ह कुणाला मिळणार, याकडं सगळ्यांचं लक्ष लागलंय. निवडणूक आयोग याबाबत लवकरच निर्णय घेणाराय. पण ठाकरे विरुद्ध शिंदे वादात हे निवडणूक चिन्ह गोठवण्यात आलं, तर काय? पाहूयात हा रिपोर्ट.
शिवसेना कुणाची आणि त्याहीपेक्षा धनुष्य बाण चिन्ह कुणाचं? याचा फैसला निवडणूक आयोग लवकरच सुनावणार आहे. आगामी निवडणुकीत धनुष्यबाण हे चिन्ह आपल्यालाच मिळावं, यासाठी ठाकरे आणि शिंदे गटानं प्रयत्नांनी पराकाष्ठा सुरू केलीय. मात्र या वादात धनुष्यबाण हे चिन्ह गोठवलं देखील जाऊ शकतं, असा जाणकारांचा अंदाज आहे.
‘धनुष्य बाण’ गोठवलं तर?
पर्यायी निवडणूक चिन्ह काय असावं, याची तयारी ठाकरे आणि शिंदे गटानं केल्याचं समजतंय. ठाकरे गटाकडून ढाल तलवार आणि गदा या चिन्हासाठी आग्रह धरला जाऊ शकतो. शिवसेनेनं याआधी ढाल तलवार, इंजिन, कप बशी अशा विविध चिन्हांवर निवडणूक लढवलीय. तर शिंदे गट ‘तलवार’ या चिन्हासाठी आग्रही असल्याची माहिती सूत्रांनी दिलीय.