राज्यात वारंवार गुन्ह्यांचे धक्कादायक प्रकार समोर येत असताना पुण्यातही एक खळबळजनक घटना समोर आली आहे. कुख्यात गुंड गजानन मारणे याच्या मुलाने एका २२ वर्षीय विद्यार्थिनीवर बलात्कार केल्याचा धक्कादायक प्रकार समोर आला आहे. या सिंहगड रोड पोलीस ठाण्यात तक्रार नोंदवण्यात आली असून प्रथमेश गजानन मारणे ( रा. शास्त्रीनगर, कोथरूड) याच्याविरुद्ध बलात्काराचा गुन्हा दाखल केला आहे.
पोलिसांनी दिलेल्या माहितीनुसार, २८ ऑगस्ट २०२० ते १७ मार्च २०२२ दरम्यान वेगवेगळ्या ठिकाणी नेऊन मुलीवर बलात्कार केला. तरुणी एका महाविद्यालयात शिकत असून तिची आणि प्रथमेश गजानन मारणे याची आधीची ओळख होती. प्रथमेशने तिला खडकवासला परिसरात फिरायला नेले असता एका लॉजवर नेऊन त्याने तिच्याबरोबर जबरदस्तीने शारीरिक संबंध ठेवले.
यानंतर परिसरातील वेगवेगळ्या लॉजवर नेऊन प्रथमेशने अश्लिल व्हिडिओसुद्धा तयार केले आहेत. हे समजल्यावर तिने त्याला ते व्हिडीओ डिलीट करायची विनंती केली. पोलिसांकडे तक्रार करेन असंही धमकावलं. मात्र, पोलिसांकडे तक्रार केल्यास व्हिडिओ सोशल मीडियावर व्हायरल करण्याची धमकी प्रथमेश याने दिली. पण या सगळ्याला न जुमानता तरुणीने सिंहगड रोड पोलीस ठाण्यात येऊन प्रथमेश विरुद्ध तक्रार केली. तर पुढील तपास सिंहगड रोड पोलीस करीत आहेत.
दरम्यान, या घटनेमुळे संपूर्ण पुणे शहरात खळबळ उडाली असून पुण्यात महिला, मुली खरंच सुरक्षित आहेत का? असा सवाल उपस्थित होतो. तर गुंडाच्या मुलाने असा धक्कादायक प्रकार केला. त्यामुळे परिसरात पोलिसांचा धाक उरला आहे का? असा सवालही सर्वसामान्यांतून विचारण्यात येत आहे.