पुणे शहरात सोमवारी करोनाच्या चाचण्या कमी झाल्याने बाधितांच्या संख्येतही घट झाली. शहरात नव्याने १४० जणांना संसर्ग झाला असून, १४४ रुग्णांना डिस्चार्ज मिळाला.
शहरात सोमवारी विविध स्वॅब केंद्रांवर २,५४३ चाचण्या झाल्या. त्यामुळे चाचण्यांची एकूण संख्या नऊ लाख ६१ हजार ५४९वर पोहोचली. शहरात अद्याप २१३ रुग्ण गंभीर असून, ३११ रुग्ण ऑक्सिजनवर आहेत. शहरात बरे झालेल्यांची एकूण संख्या एक लाख ७२ हजार २८७वर पोहोचली आहे. गेल्या चोवीस तासांत तिघांचा करोनामुळे मृत्यू झाला. त्यामुळे करोनामुळे दगावलेल्यांची एकूण संख्या ४,६८२वर पोहोचली आहे. सध्या शहरात २,६८२ सक्रिय रुग्ण आहेत.