जखमी अवस्थेत या व्यक्तीला रुग्णालयात आणण्यात आले. तेव्हा शस्त्रक्रियेपूर्वी या व्यक्तीच्या रक्ताची तपासणी करण्यात आली. त्यावेळी हा व्यक्तीत कोरोना पॉझिटिव्ह असल्याचे लक्षात आले. हा व्यक्ती पेशाने रिक्षाचालक आहे. मात्र, त्याला कोरोनाची लागण कशी झाली, हे अद्याप स्पष्ट होऊ शकलेले नाही. परंतु, प्राथमिक अंदाजानुसार कोरोनाबाधित प्रवाशांच्या संपर्कात आल्याने त्याला विषाणूची लागण झाली असावी, अशी शक्यता आहे.
या घटनेनंतर संबंधित व्यक्तीच्या कुटुंबीयांना क्वारंटाईन करण्यात आले आहे. केरळमध्ये आतापर्यंत ७९५ जणांना कोरोनाची लागण झाली आहे. तर केवळ चार जणांचा मृत्यू झाला आहे. सुरुवातीच्या टप्प्यात केलेल्या प्रभावी उपाययोजनांमुळे केरळने कोरोनावर बऱ्याच अंशी नियंत्रण मिळवले आहे.
दरम्यान, गेल्या २४ तासांत देशभरात कोरोनाचे ६९७७ रुग्ण आढळून आले आहेत. तर १५४ जणांचा उपचारादरम्यान मृत्यू झाला आहे. एकाच दिवसात तब्बल सात हजार रुग्ण आढळून आल्यामुळे आरोग्ययंत्रणांची चिंता वाढली आहे. भारतातील एकूण कोरोनाबाधितांची संख्या आता १,३८, ८४५ इतकी झाली आहे.