करोना विरुद्धच्या लढ्यासाठी सरकारने दिलेल्या प्रोत्साहन पॅकेजचं स्वागत आहे. सरकार हवा तेवढा पैसा छापू शकतं, पण माझ्यासारखाही एखादा छोटंसं योगदान देऊ शकणारा असावा, जो सरकारी बँकांचं शंभर टक्के कर्ज द्यायला तयार आहे. याकडे वारंवार का दुर्लक्ष केलं जातंय? असा प्रश्नही मल्ल्याने विचारला.
विजय मल्ल्याच्या किंगफिशर एअरलाईन्सने सरकारी बँकांचं हजारो कोटींचं कर्ज घेतलं होतं, जे परत केलं नाही. त्यामुळे त्याच्यावर पैशांची अफरातफर आणि फसवणूक असे खटले चालू आहेत. त्याच्याकडून नऊ हजार कोटींची वसुली होणार आहे. यावर कोणत्याही अटी विना कर्ज घ्या आणि खटला बंद करा, अशी ऑफर त्याने दिली.
विजय मल्ल्या सध्या ब्रिटनमध्ये असल्यामुळे भारताने त्याच्या प्रत्यार्पणासाठी कायदेशीर प्रक्रिया सुरू केली होती, ज्यात भारतीय यंत्रणांना यश आलं. पण मल्ल्याने प्रत्यार्पणाच्या परवानगीविरोधात ब्रिटनच्या सुप्रीम कोर्टात याचिका दाखल केली आहे. लंडन हायकोर्टात त्याची याचिका फेटाळण्यात आल्यानंतर तो सर्वोच्च न्यायालयात गेला.