करोनाने बाधित असलेल्या दहा पोलिस ठाण्यांच्या हद्दीत आज, बुधवारी सर्व दुकाने बंद ठेवण्याचे आदेश काढण्यात आले आहे. या ठिकाणी सकाळी १० ते १२ या वेळेत फक्त दूध विक्रीस परवानगी देण्यात आली आहे. पुण्याचे पोलिस सहआयुक्त डॉ. रवींद्र शिसवे यांनी मंगळवारी रात्री हे आदेश काढले. दुधाच्या वाहतुकीवर बंधन राहणार नाही. मात्र, घरी जाऊन दूध वितरणावर वेळेचे बंधन राहणार आहे. हे आदेश २२ एप्रिलच्या सकाळी सहा वाजल्यापासून २३ एप्रिल मध्यरात्री बारापर्यंत लागू राहतील, असे आदेशात म्हटले आहे.
या भागांत आज दुकाने बंद…
– समर्थ पोलिस ठाण्याचा पूर्ण भाग
– खडक पोलिस ठाण्याचा पूर्ण भाग
– फरासखाना पोलिस ठाण्याचा पूर्ण भाग
– कोंढवा पोलिस ठाण्याचा पूर्ण भाग
– स्वारगेट पोलिस ठाणे : गुलटेकडी, महर्षीनगर, डायस प्लॉट
– बंडगार्डन पोलिस ठाणे : ताडीवाला रस्ता
– दत्तवाडी पोलिस ठाणे : जनता वसाहत, पर्वती दर्शन परिसर, शिवदर्शन
– येरवडा पोलिस ठाणे : लक्ष्मीनगर, गाडीतळ
– खडकी पोलिस ठाणे : खडकी बाजार, कसाई मोहल्ला, पाटील इस्टेट झोपडपट्टी
– वानवडी पोलिस ठाणे : विकासनगर, सय्यदनगर, रामटेकडी, वॉर्ड क्रमांक २४, हांडेवाडी, वॉर्ड क्रमांक २६ व २८
—