वंशभेदातून झालेल्या हल्ल्यातून आपल्या चिनी मैत्रिणीला वाचविण्याचा प्रयत्न करणाऱ्या भारतीय वंशाच्या महिलेला मारहाण करण्यात आली. हा प्रकार ९ फेब्रुवारी रोजी रात्री दोन वाजता इंग्लंडच्या फ्रेडरिक स्ट्रीट येथे घडला. मारहाणीनंतर बेशुद्ध झालेल्या महिलेवर रुग्णालयात उपचार सुरू होते.
मारहाण झालेल्या महिलेचे नाव मीरा सोलंका (२९) असे आहे. मीरा आणि तिची चीनी मैत्रीण मँडी ह्युआंग या दोघी मीराचा वाढदिवस साजरा करण्यासाठी ९ फेब्रुवारी रोजी घराबाहेर पडल्या होत्या. त्यांच्यासोबत इतरही मित्र-मैत्रिणी होते. त्या वेळी एका गटाने मँडीला त्रास देण्यास सुरुवात केली. त्यापैकी एक जण ‘तुमचा करोना व्हायरस तुमच्या घरी घेऊन जा’ असे म्हणत शिवीगाळ करत मँडीच्या अंगावर धावून आला. मीराने त्याला रोखण्याचा प्रयत्न केला असता त्याने तिलाही मारहाण केली. डोके फूटपाथवर आपटल्याने ती बेशुद्ध झाली. उपचारानंतर तिला घरी सोडण्यात आले.
इंग्लंड आणि वेल्समध्ये सुमारे ४ लाख चीनी नागरिक राहतात. बर्मिंगहॅम चायनीज सोसायटीच्या प्रवक्त्याने म्हटले, ‘आम्हाला वंशभेदाला नेहमीच सामोरे जावे लागते. आता हल्लेखोरांना करोना विषाणूचे निमित्त मिळाले आहे.