अजमेरला जाण्यासाठी तिकीट काढून देतो असे सांगून महिलेची फसवणूक करणाऱ्या दोघांना मानखुर्द पोलिसांनी नुकतीच अटक केली. काशीराम कहार, रमेश शर्मा अशी अटक आरोपींची नावे आहेत.
अजमेरला जाण्यासाठी नाजिमा नजरुल खान ही महिला तिकीट काढण्यासाठी मानखुर्द रेल्वे स्थानकावर रांगेत उभी होती. याठिकाणी दोन व्यक्ती आल्या आणि त्यांनी कन्फर्म तिकीट काढून देतो अशी बतावणी करत नाजिमा हिच्याकडून ८५०० रुपये घेतले. पैसे घेतल्यानंतर त्यांनी नाजिमा हिला आधार कार्डची झेरॉक्स आणण्यास सांगितले. नाजिमा झेरॉक्स आणण्यासाठी जाताच हे दोघे पसार झाले. या महिलेच्या तक्रारीनंतर पोलिस निरीक्षक खरात, उपनिरीक्षक संदीप राहणे यांनी सीसीटीव्ही फुटेज तसेच इतर तांत्रिक पुराव्यांवरून काशीराम कहार, रमेश शर्मा या दोघांना अटक केली.