जेव्हीसी कंपनीने नव्या ‘एलईडी’ स्मार्ट टीव्हींची घोषणा केली आहे. या स्मार्ट टीव्हींची किंमत ७,४९९ रुपयाने सुरुवात होते. कंपनीने २४ इंचापासून ते ३९ इंचापर्यंतचे टीव्ही लॉंन्च केले आहे. स्मार्ट कनेक्टिविटी, ब्लुथुट सारखे वैशिष्टये या स्मार्ट टिव्हीमध्ये आहे. हा नवा स्मार्ट टीव्ही खरेदीसाठी फ्लिपकार्टवरही उपलब्ध आहे. जेव्हीसी 32N3105C हा स्मार्ट टीव्ही खास आहे. या स्मार्ट ‘एलईडी’ टिव्हीची किंमत ११,९९९ रुपये आहे. हा स्मार्ट टीव्ही युझर्सच्या आवडी-निवडीनुसार प्रेक्षकांना चित्रपट,कार्यक्रम सुचवतो. युट्युब आणि नेटफ्लिक्स सारखे अॅप्लिकेशन या स्मार्ट टिव्हीमध्ये आहे. तसेच, युझर्सही स्वत:हूनही एखादा अॅप स्मार्ट टिव्हीमध्ये इन्स्टॉल करू शकतो. या टिव्हीचे रिझॉल्युशन १३६६ x ७६८ पिक्सल आहे. टिव्हीत २४ वॉट साउंड आउटपूट आणि क्वॉडकोर प्रोसेसर आहे. तसेच, १ जीबी रॅम आणि ८ जीबीचे इंटरनल स्टोरेजही देण्यात आले आहे. टिव्हीसोबत एक स्मार्ट रिमोटही असणार आहे.
जेव्हीसी 32N380(किंमत ९,९९९ रुपये), जेव्हीसी 24N380C(किंमत ७,४९९ रुपये), जेव्हीसी 32N385C(किंमत ११,९९९ रुपये), जेव्हीसी 39N380C(किंमत १५,९९९ रुपये), जेव्हीसी 39N3105C(किंमत १६,९९९ रुपये) हे लॉंच करण्यात आलेल्या साऱ्या स्मार्ट टिव्हींच्या किंमती आहेत. तसेच, जेव्हीसी 43N7105C आणि 55N7105 सारखे अधिक किंमतीचे स्मार्ट टीव्ही याआधीच लाँच झाले आहेत.