अमेरिकेतील व्हर्जिनियामध्ये एका सरकारी कार्यालयातील कर्मचाऱ्यानं सहकाऱ्यांवर केलेल्या अंदाधुंद गोळीबारात ११ जण ठार झाले आहेत. तर अनेक जण जखमी झाले आहेत. प्रत्युत्तरादाखल पोलिसांनी केलेल्या गोळीबारात हल्लेखोरही ठार झाला आहे, अशी माहिती अधिकाऱ्यांनी दिली.
स्थानिक वेळेनुसार, काल संध्याकाळी ४ वाजता ही घटना घडली. हल्लेखोर कर्मचारी अचानक सरकारी कार्यालयात घुसला आणि अंदाधुंद गोळीबार करण्यास सुरुवात केली. या गोळीबारात ११ जण ठार झाले. तर सहा जण जखमी झाले आहेत. जखमींमध्ये एका पोलीस कर्मचाऱ्याचाही समावेश आहे. बुलेटप्रूफ जॅकेट घातल्यानं तो बचावला. पोलिसांनी केलेल्या गोळीबारात हल्लेखोर मारला गेला. तो सरकारी कर्मचारी होता, अशी माहिती पोलीस प्रमुख जेम्स केर्वेरा यांनी दिली.