ज्येष्ठ अभिनेत्री तनुजा यांना मंगळवारी मुंबईतील लिलावती रुग्णालयात दाखल करण्यात आलं आहे. ७५ वर्षीय तनुजा यांना ओटीपोटात वेदना होत असल्याने त्यांना तातडीने रुग्णालयात दाखल करण्यात आल्याची माहिती मिळाली आहे.
तनुजा यांची मुलगी अभिनेत्री काजोल हिचे लिलावती रुग्णालयात जातानाचे फोटो व्हायरल झाले. काजोलचे सासरे विरु देवगण यांचे २७ मे रोजी निधन झाले. त्यानंतर काजोलनं इतक्या तातडीनं लिलावती का गाठले अशा चर्चांना सुरुवात झाली. त्यावेळी, तनुजा यांना रुग्णालयात दाखल केल्याची माहिती समोर आली. तनुजा यांचं छोटं ऑपरेशनही होणार आहे.
तनुजा या अभिनेत्री शोभना समर्थ आणि निर्माते कुमारसेन समर्थ यांच्या त्या कन्या आहेत. त्यांनी बॉलिवूडसोबत अनेक बंगाली चित्रपटांमध्येही भूमिका साकारल्या आहेत.