भावाला भेटण्यासाठी आलेल्या ५९ वर्षीय वृद्धेचा तेथे आलेल्या दोन ५५ वर्षीय वृद्धांनी विनयभंग केल्याचा धक्कादायक प्रकार घडला आहे. सांगवी येथील पीडब्ल्यूडी ग्राउंडवर बुधवारी (१५ मे) सायंकाळी ही घटना घडली.
रॉबीन अशोककुमार जैन (५५, रा पौड) व राजेश शर्मा (५५, रा. खडकीबाजार) या दोघांवर विनयभंगाचा गुन्हा दाखल करण्यात आला आहे. तर ५९ वर्षीय वृद्धेने फिर्याद दिली आहे. पोलिसांनी दिलेल्या माहितीनुसार, पीडित वृद्धा तिच्या मानलेल्या भावाला भेटण्यासाठी सांगवी येथे आली होती. तेव्हा तेथे या महिलेची तोंड ओळख असलेले दोघे तेथे आले. त्यातील एकजण महिलेशी अश्लील बोलला. तर दुसऱ्याने महिलेशी अश्लील वर्तन केले. यावेळी पीडितेने आरोपीला ढकलले असता, त्याने पीडितेच्या कानाखाली मारली. फौजदार व्ही. व्ही. कुमटकर तपास करीत आहेत.