प्रियकराकडून होत असलेल्या पैशाची मागणी, मानसिक त्रास आणि मारहाणीला कंटाळून २१ वर्षीय तरुणीने घरामध्ये गळफास घेऊन आत्महत्या केल्याचा प्रकार लोकमान्यनगर परिसरात घडला आहे. या प्रकरणी मुलीच्या वडिलांनी वर्तकनगर पोलिस ठाण्यात गुन्हा दाखल करण्यात आला असून जुगल राठोड याचा पोलिसांकडून शोध सुरू आहे. पोलिसांकडून या प्रकरणी शोध सुरू आहे. लोकमान्यपाड्याच्या परेरानगर येथे राहणारी २१ वर्षीय मुलीला तिचा प्रियकर सातत्याने मानसिक त्रास देत होता. तिच्याकडे वारंवार पैशांची मागणी करून तिने पैसे देण्यास विरोध केल्यास तरुणीला दमदाटी करून धमकी देत होता. या जाचाला कंटाळून तरुणीने आत्महत्या केल्याचा दावा तिच्या वडिलांनी केला आहे. या प्रकरणी पोलिसांकडून पुढील तपास सुरू करण्यात आला आहे.