सेंट्रल बोर्ड ऑफ सेकंडरी एज्युकेशन अर्थात सीबीएसई विद्यार्थ्यांना आश्चर्याचा धक्का देत १२ वीचा निकाल जाहीर करण्यात आलाआहे. सीबीएसई सेक्रेटरी अनुराग त्रिपाठी यांनी दिलेल्या माहितीनुसार, सर्व विभागांचे निकाल एकाचवेळी प्रसिद्ध करण्यात आलेआहेत. विद्यार्थ्यांना cbseresults.nic.in या संकेतस्थळावर आपला निकाल पाहता येणार आहे
यंदा १२ लाख ८७ हजार ३५९ विद्यार्थ्यांनी १२ वीची परीक्षा दिली होती. यात ७,४८, ४९८ विद्यार्थ्यांचा तर ५, ३८, ८६१ विद्यार्थिनींचा समावेश आहे. गेल्या वर्षी ८३ टक्के विद्यार्थी उत्तीर्ण झाले होते. या वेळी सीबीएसईचे निकाल १० मेपर्यंत प्रसिद्ध केले जातील असे वृत्त प्रसिद्ध झाले होते. गेल्या वर्षी इयत्ता १० वीचे निकाल २६ मे, तर १२ वीचे निकाल २९ मे या दिवशी प्रसिद्ध करण्यात आले होते. या वेळी मात्र निवडणुकीमुळे सीबीएसईच्या परीक्षा लवकर आटोपण्यात आल्या होत्या. पेपर तपासणीचे काम १५ एप्रिलपर्यंत पूर्ण करण्यात आले होते.
या वेळी सीबीएसईने १ कोटी ७० लाख उत्तरपत्रिका तपासण्याचे काम केले आहे. या उत्तरपत्रिका एकूण ३ हजार तपासणी केंद्रांवर तपासल्या गेल्या. एक शिक्षक दिवसाला जवळजवळ २५ उत्तरपत्रिका तपासण्याचे काम पूर्ण करतो. या वेळी सीबीएसई बोर्डाच्या परीक्षेत सर्वाधिक उत्तर प्रदेश राज्यातील विद्यार्थ्यांचा समावेश आहे.