मार्व्हल युनिवर्समधील तुमचा आवडता सुपरहिरो कोण असा प्रश्न विचारल्यावर अनेक जण आयर्नमॅन असं उत्तर देतील. सध्या ‘अॅव्हेंजर्स एंडगेम’ मुळे पुन्हा एकदा हे सगळेच सुपरहिरो चर्चेत आहेत. ‘अॅव्हेंजर्स एंडगेम’ मध्ये काम करणाऱ्या कलाकारांनी भूमिकेसाठी किती मानधन घेतेले हे नुकतेच जाहीर करण्यात आले. या चित्रपटात आयर्नमॅनची भूमिका साकारलेल्या अभिनेता रॉबर्ट डाऊनी ज्युनिअरनी या भूमिकेसाठी घेतलेल्या मानधनाची रक्कम ऐकून तुम्हीसुद्धा थक्क व्हाल.
‘अॅव्हेंजर्स एंडगेम’ साठी आयर्नमॅनला तब्बल ५२४ कोटी रूपयांचे मानधन देण्यात आले आहे. सूत्रांनी दिलेल्या माहितीनुसार, काही वर्षांपूर्वी मार्व्हल कंपनी कर्जबाजारी झालेली असताना त्यानं मदत केली होती. त्याने केलेल्या गुंतवणुकीमुळे कंपनी बुडता बुडता वाचली होती. त्यामुळेच, मार्व्हल युनिवर्समधील प्रत्येक चित्रपटाच्या नफ्याचा काही हिस्सा त्याला देण्यात येतो.
जगातील सर्वात महागडा अभिनेता म्हणून रॉबर्ट डाऊनी ज्युनिअर ची ओळख आहे. त्याला अॅवेंजर्स: इन्फिनिटी वॉर’ साठी पण तब्बल ५२२ कोटी रुपये देण्यात आल्याची चर्चा आहे. शिवाय, ‘स्पायडर मॅन :होमकमिंग’ चित्रपटासाठी केवळ तीन दिवस चित्रीकरण करण्याचे त्याने ३४ कोटी मानधन घेतले होते असे सांगितले जाते.