तारखा मिळणं अवघड

गेल्या वर्षभरात अभिनेता राजकुमार रावच्या एकामागोमाग एक चित्रपटांनी यशाची चव चाखली. त्यातल्या त्याच्या अभिनयाचं खूप कौतुकही झालं. हे वर्षही त्याच्यासाठी भरगच्च ठरणार आहे. आधीच जवळपास पाच चित्रपट त्याच्याकडे आहेत. करण जोहरच्या आगामी चित्रपटातही त्याला भूमिका मिळणार असल्याची चर्चा आहे. हा एक मल्टीस्टारर चित्रपट असल्याचं कळतंय. राजकुमारकडे आधीच एवढे चित्रपट असताना करणला त्याच्या तारखा मिळणं थोडं अवघड झाल्याचं समजतंय. तरीही करणचा सिनेमा असल्यामुळे राजकुमार तारखांचं गणित जुळवणार आहे.